Шағирә Ғәлиә Кәлимуллина тыумышы менән Ишембай районы Иҫәкәй ауылынан. Башҡорт дәүләт университетын тамамлай. Ғәлиә Миҙхәт ҡыҙы - Ишембайҙағы Әхмәтзәки Вәлиди исемендәге башҡорт гимназия-интернаты уҡытыусыһы, бар хеҙмәтен балаларға башҡорт теле һәм әҙәбиәтенән белем биреүгә, туған телгә һөйөү тәрбиәләүгә арнай. Ғәлиә Кәлимуллина - Яҙыусылар союзы ағзаһы, шиғырҙары газета-журналдарҙа баҫыла, бер нисә йыйынтыҡҡа тупланып та донъя күрә. Ошо көндәрҙә алтын юбилейын билдәләгән шағирәгә илһамлы яңы үрҙәр, ижадының тағы ла баҙыҡланыуын теләйбеҙ. Хәҙер иғтибарығыҙға Ғәлиә Кәлимуллинаның шиғри шәлкемен тәҡдим итәбеҙ. Автор уҡый.
